კორონავირუსის შემცირების შემთხვევები დამშვიდების საშუალებას არ გვაძლევს - პაატა იმნაძე
ორშაბათი, 08 ივნისი, 2020 - 13:14

დაავადებათა კონტროლის ეროვნული ცენტრის ხელმძღვანელის მოადგილე პაატა იმნაძე აცხადებს, რომ ბოლო პერიოდში კორონავირუსის შემთხვევების მცირე რაოდენობა დამშვიდების საფუძველს არ იძლევა.

იმნაძე საზოგადოებას კვლავ მოუწოდებს, იყვნენ ფრთხილად და დაიცვან ყველა რეკომენდაცია.

„მაქსიმალურად უნდა ვიყოთ მობილიზებული, რათა ყველანაირი რისკების სამართავად მზად ვიყოთ. რა თქმა უნდა, ის, რომ ბოლო დღეებში მხოლოდ თითო – ოროლა შემთხვევა ვლინდება, ძალიან კარგია, მაგრამ დამშვიდების საფუძველს არ გვაძლევს, რადგან კორონა, სამწუხაროდ, არსად არ გამქრალა, ისევ ჩვენს გვერდით არის. ხედავთ, რა ხდება ჩვენს მეზობელ სახელმწიფოებში. ამიტომ უნდა ვიყოთ ყველანი ისევ და ისევ ფრთხილად, განსაკუთრებით, ეს ეხება საზოგადოებრივი თავშეყრის ადგილებში იმ წესების დაცვას, რომლებიც არის აუცილებელი, პირველ რიგში, ეს ეხება ნიღბების ტარებასა და ფიზიკური დისტანცირების დაცვას“,- განაცხადა პაატა იმნაძემ.

მსგავსი სიახლეები

გამოკითხვა

როგორ აფასებთ ჯანდაცვის მინისტრის ეკატერინე ტიკარაძის მუშაობის პერიოდს?

ექსკლუზივი